Да святкавання Дня вышыванкі
Штогод 2 ліпеня грамадскасцю нашай краіны адзначаецца Дзень вышыванкі. Гэта даніна павагі да багацця старажытнай беларускай культуры і цудоўная магчымасць з маленства выхоўваць каштоўнасныя адносіны да яе.
Вышыванка – гэта своеасаблівая візітка беларусаў і сімвал-абярэг нацыі. У нашы дні нацыянальны арнамент набірае ўсё большую папулярнасць, становіцца неад’емнай часткай у афармленні адзення, прадметаў побыту, інтэр’ера людзей усіх узростаў.
Так, у нашай дашкольнай установе 29 чэрвеня адбылося свята для выхаванцаў “Як рабіліся вышыванкі для Васіліны, Алёнкі і Янкі”, якое дапамагло сфарміраваць каштоўнасныя адносіны дзяцей да вышыванкі як культурнай спадчыны беларускага народа, абагульніць і сістэматызаваць уяўленні аб стварэнні тканін і вопраткі ў мінулы час, а таксама спрыяла выхаванню патрыятычных пачуццяў, устойлівай цікавасці да беларускага дэкаратыўна-прыкладнога мастацтва, роднай мовы, народных традыцый і абрадаў.
Фотасправаздачу глядзіце ў фотаальбоме https://ddu31grodno.schools.by/photoalbum/358764
